In Dei nomine. Placuit adque convenit ut cum inter Teutono et uxore sua Amalsea, et Adbalt et uxore sua Ingelelt, aliquid de ... inter eos cumscaminare debuerint, quod ita ad die presenti fecerunt, dedit Adbalt et uxor sua jam dicta Teuttono et uxore sua ... peciolas II, qui sunt sitas in pago Ostudonense, in agro Seudonense, in villa Civinio, ubi vocant a Vinea Bonan; una peciola terminat de uno latus terra Sancta Maria, in alio latus et alius frontis terra Ingelbert; infre istas terminaciones in integrum. Alia peciola in ipsa cultura; terminat de uno latus et uno front terra Orsinda, de alio latus ad ipsos emtores, in alio front terra Serani; infra istas terminaciones at integrum vobis donamus ad faciendum quiquid facere volueritis in omnibus. Si quis vero, si nos ipsi, aut ullus de eredibus nostris, aut ullus omo qui contra anc donacione ista venire aut calumpniare presumpserit, non valeat vindicare quod repetit, set inferamus vos una cum tercio fisco auri uncia media conponat, et donacio ista firma et stabilis permaneat, cum stibulacione subnixa. Actum capella Sancta Maria. S. Adbalt, S. Ingelelt, qui escaminio isto fieri et firmare rogaverunt. S. Moadbalt. S. Pardent. S. Ingelbert. S. Onnulfo. S. Finalt. S. Otbert. Ego, in Dei nomine, Natalis presbiter subscripsit, scripsit et datavit die mercoris, in mense maio, anno XX regnante Carolo rege.